37 yoshli “Inter Mayami” hujumchisi Lionel Messi Amerika klubi bilan mehnat shartnomasini uzaytirishga shoshilmayapti, chunki u Barselona hayotini sog‘ingan, deya xabar beradi Relevo nashri.
Argentinalik futbolchining shartnomasi 2025-yil oxirigacha mo‘ljallangan. Manba ma’lumotiga ko‘ra, Messi Barselonani o‘z uyi deb hisoblashda davom etmoqda va faoliyatini yakunlagach, aynan shu shaharda yashashni rejalashtirgan. 37 yoshli hujumchining oilasi ham Barselonaga qaytishni o‘zining asosiy maqsadi sifatida ko‘rmoqda.
Ma’lumot uchun, Messi 2000-yildan 2021-yilgacha “Barselona” tizimida bo‘lgan. Ushbu davrda u jamoaning asosiy tarkibida 778 ta o‘yinda maydonga tushib, 672 ta gol va 303 ta golli uzatma qayd etgan.
2023-yilda futbolchi “Inter Mayami” klubida o‘ynab kelmoqda. Klub tarkibida u 28 ta o‘yinda maydonga tushgan va 22 bor raqiblar darvozasini ishg‘ol qilgan. Transfermarkt futbolchining bozor qiymatini 20 million yevroga baholagan.
Izoh (0)