Futbol bo‘yicha Angliya Premyer Ligasi O‘zbekistondagi mahalliy telekanalda namoyish etilishi mumkin.
Bu haqda sharhlovchi Otabek Jo‘rayev o‘zining Telegramdagi sahifasida maʼlum qildi:
“Zo‘r TV APL doirasidagi Abduqodir Husanov ishtirokidagi o‘yinlarni namoyish etadi! APLning har turida kanal tomonidan ikkita uchrashuv translyatsiya qilinadi. Birinchi o‘yin bu, tushunarli — ‘Manchester Siti’ o‘yini. Ikkinchisi esa ‘Liverpul’, ‘Arsenal’, ‘Chelsi’, ‘Manchester Yunayted’, ‘Tottenhem’ yoki boshqa ingliz brendi ishtirokidagi o‘yin”, deb yozgan Sport TV va Futbol TV sharhlovchisi Otabek Jo‘rayev.
Futbol bo‘yicha Ispaniya chempionati bahslarini aynan shu kanalda sharhlab borayotgan Davron Fayziyev bu ma’lumotlar rasmiy kuchga emasligini ta’kidladi.
“Bu maʼlumot hali rasmiy emas. Ha, Zo‘r TV bugungi kunda barcha futbol muxlislari ko‘rishni xohlayotgan “Siti” va APLning boshqa top klublari o‘yinlarini namoyish etish uchun harakatda. Biz ham bu ijobiy hal bo‘lishini kutyapmiz. Bu jarayon qiyinroq, aslida. Mayli, kuzataylikchi”, deydi sharhlovchi Davron Fayziyev.
Maʼlumot uchun, APL o‘yinlari O‘zbekistonda so‘nggi bor UzReport va Futbol TV tomonidan mamlakat hududida namoyish qilingandi.
Izoh (0)