Футбол бўйича Англия Премьер Лигаси Ўзбекистондаги маҳаллий телеканалда намойиш этилиши мумкин.
Бу ҳақда шарҳловчи Отабек Жўраев ўзининг Telegramдаги саҳифасида маълум қилди:
“Zo‘r TV АПЛ доирасидаги Абдуқодир Ҳусанов иштирокидаги ўйинларни намойиш этади! АПЛнинг ҳар турида канал томонидан иккита учрашув трансляция қилинади. Биринчи ўйин бу, тушунарли — ъМанчестер Ситиъ ўйини. Иккинчиси эса ъЛиверпульъ, ъАрсеналъ, ъЧелсиъ, ъМанчестер Юнайтедъ, ъТоттенҳэмъ ёки бошқа инглиз бренди иштирокидаги ўйин”, деб ёзган Спорт TV ва Futbol TV шарҳловчиси Отабек Жўраев.
Футбол бўйича Испания чемпионати баҳсларини айнан шу каналда шарҳлаб бораётган Даврон Файзиев бу маълумотлар расмий кучга эмаслигини таъкидлади.
“Бу маълумот ҳали расмий эмас. Ҳа, Zo‘r TV бугунги кунда барча футбол мухлислари кўришни хоҳлаётган “Сити” ва АПЛнинг бошқа топ клублари ўйинларини намойиш этиш учун ҳаракатда. Биз ҳам бу ижобий ҳал бўлишини кутяпмиз. Бу жараён қийинроқ, аслида. Майли, кузатайликчи”, дейди шарҳловчи Даврон Файзиев.
Маълумот учун, АПЛ ўйинлари Ўзбекистонда сўнгги бор UzReport ва Futbol TV томонидан мамлакат ҳудудида намойиш қилинганди.
Изоҳ (0)