APLning 17-turidan olgan “Aston Villa” – “Manchester Siti” uchrashuvi 21-dekabr, shanba kuni o‘tkazildi.
O‘yinning 16-daqiqasida Jon Dyuran uchrashuvda hisobni ochdi. Ikkinchi bo‘limning 65-daqiqasida esa Morgan Rojers yana bir gol urib, hisobni ikkitaga oshirdi. Bosh hakam tomonidan o‘yinga qo‘shib berilgan daqiqalar o‘tib borayotganda Fil Foden gol urib, hisobni qisqartirdi. Yakuniy hisob — 2:1.
Gvardiola shogirdlari barcha turnirlardagi so‘nggi 12 o‘yinda 9 bor mag‘lubiyatga uchragan. “Manchester Siti” 16 uchrashuvda 27 ochko to‘plab APL turnir jadvalida beshinchi o‘rinda bormoqda. Chempionlar Ligasida “shaharliklar” 6 o‘yindan keyin 8 ochko bilan 22-o‘rinda bormoqda.
Ma’lumot uchun, Gvardiola yiliga 20 million yevro maosh oladi va bu jihatdan dunyoda ikkinchi o‘rinda turadi.
Avvalroq “Manchester Siti” rahbariyati qishki transfer oynasida jamoadagi kadrlar muammosidan shikoyat qilgan bosh murabbiy Pep Gvardiolani qo‘llab-quvvatlash uchun to‘rt nafar futbolchi bilan shartnoma imzolashi aytilgandi.
Izoh (0)