“Liverpul” 23 yoshli “Vulverhempton” yarim himoyachisi Joao Gomesga qiziqish bildirmoqda. Bu haqda Caught Offside nashri xabar bermoqda.
Manbaga ko‘ra, mersisaydliklarning braziliyalik futbolchini yanvar oyidagi transfer oynasida sotib olishi dargumon, ammo bu kelayotgan yozda amalga oshishi mumkin.
Joriy mavsumda Gomes barcha musobaqalarda 24 ta o‘yinda maydonga tushib, 2 ta gol va 2 ta golli uzatmani amalga oshirdi. Futbolchining amaldagi shartnomasi 2028-yil yozigacha davom etadi. Transfermarkt ma’lumotlariga ko‘ra, uning taxminiy narxi 40 million yevroni tashkil qiladi.
“Liverpul” klubi APL doirasidagi 22 uchrashuvda 53 ochko to‘plab, yetakchilik qilmoqda. Chempionlar Ligasida ham Arne Slot shogirdlari birinchi o‘rinni egallab turibdi. 7 uchrashuvda 21 ochko to‘plagan klub bugun, so‘nggi turda “PSV”ga qarsh maydonga tushadi.
Avvalroq jamoa yetakchisi Muhammad Saloh Saudiya klubiga o‘tishi mumkinligi haqida xabar qilingandi.
Izoh (0)