Futbol bo‘yicha APLning 22-turi doirasida “Manchester Siti” safarda “Ipsvich” jamoasini 6:0 hisobida mag‘lub etdi. Shunday qilib, “shaharliklar” bosh murabbiyi Xosep Gvardiola uchun bu APLda jamoasi olti yoki undan ortiq gol urgan 13-o‘yin bo‘ldi. Bu haqda Squawka ma’lum qildi.
Ispaniyalik mutaxassis ushbu ko‘rsatkich bo‘yicha “Arsenal” sobiq bosh murabbiyi Arsen Venger bilan tenglashdi. Faqat “Manchester Yunayted” sobiq murabbiyi Gvardioladan ko‘pro natijaga ega. Ser Aleks Fergyusonda bunday o‘yinlar soni 14 ta.
Ma’lumot uchun, “Manchester Siti” APL jadvalida to‘rtinchi, Chempionlar Ligasida esa 22-o‘rinda bormoqda. Angliya chempionati 2024—2025-mavsumi turnir jadvalida “Liverpul” 50 ochko bilan peshqadamlik qilmoqda.
Eslatib o‘tamiz, kechagi o‘yinda “Manchester Siti” safida Fil Foden (dubl), Mateo Kovachich, Jeremi Doku, Erling Holand va Jeyms Makeyti “shaharliklar” goliga mualliflik qildi.
Avvalroq O‘zbekiston terma jamoasi himoyachisi “Manchester Siti” bilan shartnoma imzolagani xabar qilingandi.
Izoh (0)