“Manchester Siti” rahbariyati qishki transfer oynasida jamoadagi kadrlar muammosidan shikoyat qilgan bosh murabbiy Pep Gvardiolani qo‘llab-quvvatlash uchun to‘rt nafar futbolchi bilan shartnoma imzolaydi. Bu haqda Britaniyaning Daily Mail nashri xabar bermoqda.
Manba bergan xabarga ko‘ra, klub yangi himoyachi, Erling Holandga zaxira sifatida yana bir hujumchi, markaziy va o‘ng qanot himoyachisini taklif etish imkoniyatini ko‘rib chiqmoqda.
Eslatib o‘tamiz, Gvardiola shogirdlari barcha turnirlardagi so‘nggi 11 o‘yinda 8 bor mag‘lubiyatga uchragan. “Manchester Siti” 16 uchrashuvda 27 ochko to‘plab APL turnir jadvalida beshinchi o‘rinda bormoqda. Chempionlar Ligasida “shaharliklar” 6 o‘yindan keyin 8 ochko bilan 22-o‘rinda bormoqda.
Ma’lumot uchun, Gvardiola yiliga 20 million yevro maosh oladi va bu jihatdan dunyoda ikkinchi o‘rinda turadi.
Izoh (0)