Buxoro va Qashqadaryo viloyatlarida valyuta qimmatliklarini noqonuniy muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, departamentning Qorako‘l tumani bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan D.N. jami 3 300 dollarni fuqaro H.Q.dan 41,6 mln so‘mga sotib olgan vaqtida ashyoviy dalillar bilan ushlangan.
Departamentning Dehqonobod tuman bo‘limi tomonidan IIB xodimlari bilan hamorlikda o‘tkazilgan tezkor tadbirda valyuta ayirboshlash bilan shug‘ullanib kelgan J.Sh. jami 3 200 dollarni fuqaro S.U.ga 40,5 mln so‘mga sotgan vaqtida ushlanib, uning yonidan 83,3 mln so‘m va 149 dollar ashyoviy dalil sifatida olingan.
Departamentning Qarshi shahar bo‘limi tomonidan IIB xodimlari bilan hamorlikda o‘tkazilgan tezkor tadbirda valyuta ayirboshlash bilan shug‘ullanib kelgan S.B. jami 3 200 dollarni 2 nafar fuqaroga 40,6 mln so‘mga sotgan vaqtida ashyoviy dalillar bilan ushlangan.
Departamentning Kasbi tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda valyuta ayirboshlash bilan shug‘ullanib kelgan Sh.A. jami 3 ming dollarni fuqaro B.T.ga 37,9 mln so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)