Samarqand, Xorazm va Buxoro viloyatlarida valyuta qimmatliklari noqonuniy muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, departamentning Oqdaryo tuman bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan N.X. va M.R. jami 3 800 dollarni fuqaro SH.A.dan 48,5 mln so‘mga sotib olgan vaqtida ushlanib, ularning yonidan 50,7 mln so‘m, 150 dollar, 15 rubl, 1 yevro hamda 1 dona pul sanash uskunasi ashyoviy dalil sifatida olingan.
Departamentning Gurlan tuman bo‘limi tomonidan viloyat IIB xodimlari bilan hamkorlikda o‘tkazilgan tezkor tadbirda, valyuta ayirboshlash bilan shug‘ullanib kelgan M.X. fuqaro O‘.U.dan 3 200 dollarni 40,1 mln so‘mga sotib olgan vaqtida ashyoviy dalillar bilan ushlangan.
Xuddi shunday, departamentning Buxoro viloyat boshqarmasi tomonidan Buxoro shahri, G‘ijduvon ko‘chasida o‘tkazilgan tezkor tadbirda valyuta ayirboshlash bilan shug‘ullanib kelgan U.X. jami 3 100 dollarni fuqaro A.A.dan 39 mln so‘mga so‘mga sotib olgan vaqtida ashyoviy dalillar bilan ushlangan.
Shu kabi, departamentning Samarqand shahar bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan F.O‘. va G.B. jami 3 100 dollarni fuqaro A.Z.ga 39,2 mln so‘mga sotgan vaqtlarida ushlanib, ularning yonidan 9,3 mln so‘m va 3 570 dollar ashyoviy dalil sifatida olingan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)