Andijon viloyatining Buloqboshi tumanida valyuta qimmatliklarini noqonuniy muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, fuqaro A.K. tumanning “Guliston” MFY hududida fuqaro Sh.E.ga 3 100 dollarni 39,8 mln so‘mga sotgan vaqtida ushlandi.
Tezkor tadbir jarayonida 5 250 dollar, 94 850 rubl, 1 000 qirg‘iz somi va 50 yevro ashyoviy dalil sifatida olingan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) jinoyat ishi qo‘zg‘atilib, tergov harakatlari o‘tkazilmoqda.
Izoh (0)