Andijon va Samarqand viloyatlarida valyuta ayirboshlash bilan noqonuniy shug‘ullanib kelgan shaxslar ushlandi. Bu haqda Bosh prokuratura huzuridagi departament xabar berdi.
Qayd etilishicha, departamentning Andijon shahar bo‘limi va IIB xodimlari hamkorligida tezkor tadbir o‘tkazilgan. Tadbirda valyuta ayirboshlash bilan shug‘ullanib kelgan X.A. fuqaro A.D.ga 3 ming dollarni 37,9 million so‘mga sotishga kelishib, shundan 2,3 ming dollarni bergan vaqtida ushlanib, uning yonidan jami 2 405 dollar, 2,2 ming Rossiya rubli va 12,4 million so‘m ashyoviy dalil sifatida olingan.
Shu kabi, departamentning Urgut tuman bo‘limi va DXX xodimlari hamkorligida o‘tkazilgan tezkor tadbirda, valyuta ayirboshlash bilan shug‘ullanib kelgan S.G‘ va G‘.S. fuqaro O.A.ga jami 2,8 ming dollarni 35,5 million so‘mga sotgan vaqtlarida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
- Avvalroq Andijon va Qashqadaryo viloyatlarida valyuta qimmatliklarini noqonuniy muomalaga kiritilishiga chek qo‘yilgani to‘g‘risida xabar berilgandi.
- Shuningdek, Buxoro va Xorazm viloyatlarida valyuta qimmatliklarini noqonuniy muomalaga kiritilishining oldi olingan edi.
Izoh (0)