Abu-Dabiga kiritilmagan o‘zbekistonliklarning bir qismi Toshkentga qaytishi, huquqni muhofaza qiluvchi organlar xodimlariga doir taqiqlar belgilanishi, Yoshlar o‘rtasidagi Osiyo o‘yinlari Toshkentda o‘tkazilmasligi, Toshkent — Xojikent — Toshkent yo‘nalishida yangi tezyurar elektropoyezd qo‘yilishi — “Daryo” nashri bugun, 2-dekabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Abu-Dabiga kiritilmagan o‘zbekistonliklarning bir qismi Toshkentga qaytdi
Shayx Zayd nomidagi xalqaro aeroportda 31 nafar O‘zbekiston fuqarosi noma’lum sabablarga ko‘ra amirliklar hududiga kiritilmagandi.
Andijonda pul tashiladigan avtomobilga niqobli bosqinchilar hujum qildi
Ulardan biri qo‘lga olindi.
O‘zbekistonda huquqni muhofaza qiluvchi organlar xodimlariga doir taqiqlar belgilandi
Xususan, ularga tadbirkorlik faoliyati bilan shug‘ullanish taqiqlanadi.
Tuman hokimidan prezidentgacha: O‘zbekistonning yaqin tarixida joniga qasd qilingan olti amaldor
O‘zbekistonning yaqin o‘tmishida amaldorlarning joniga qasd qilish bilan bog‘liq bir qancha jinoyatlar yuz bergan bo‘lsa-da, jamoatchilik bu haqda deyarli ma’lumotga ega emas. Chunki ularning tafsilotlari matbuotda qariyb yoritilmagan. Mazkur maqolada O‘zbekiston xalq shoiri Erkin Vohidov, mamlakat vitse-prezidenti Shukrullo Mirsaidov, birinchi prezident Islom Karimov hamda uch nafar hokimlarga uyushtirilgan suiqasdlar yodga olinadi.
Yashnobodlik 11 yoshli fotograf: “Kelajakda dunyo kezib, professional fotograf va fudbloger bo‘lmoqchiman”
Samira Hasanova 11 yoshli yashnobodlik havaskor fotograf. 5 yoshidan rasmlar olishni boshlagan, deyarli barcha turdagi havaskor fotoapparatlarning boshlang‘ich sozlamalarini tushunadi. “Daryo” fotomuxbiri Madina Nurman Samira bilan suhbat qurdi.
O‘zbekiston JSTga a’zo bo‘lish bo‘yicha Filippin bilan muzokaralarni yakunladi
Ikki oyda mamlakat tashkilotning 4 ta a’zosi bilan unga qo‘shilish bo‘yicha muzokaralarni yakunladi.
Yoshlar o‘rtasidagi Osiyo o‘yinlari Toshkentda o‘tkazilmaydigan bo‘ldi
Osiyo Olimpiya kengashi ma’lumotiga ko‘ra, mezbonlik Bahraynga berilgan.
Poytaxtda 24 soatlik jamoat transporti: tizimga va byudjetga yuklama beradigan loyiha nega kerak?
Mazkur g‘oya aholining ba’zi qatlami uchun qulaylik yaratishi bilan birga, transport tizimi xarajatlari ortishi, xavfsizlikni ta’minlash masalasini ham o‘rtaga chiqaradi.
Toshkent viloyati hokimining sobiq o‘rinbosari Erkin Muhitdinov Ekologiya vazirligida ish boshladi
Muhitdinov oktyabr oyida prezident raisligida o‘tkazilgan videoselektor yig‘ilishida faoliyatidagi kamchiliklar uchun ishdan olingandi.
“Pandemiyadan keyingi cheklovlar sababli Olimpiya shaharchasi qurilishi uchun zarur vositalar yetkazish jarayonida uzilishlar kuzatilgani” – MOQ
O‘zbekistonga Islom birdamligi o‘yinlari yoki Jang sanʼati o‘yinlarini o‘tkazishga tayyorgarlik ko‘rish tavsiya qilingan.
Toshkent — Xojikent — Toshkent yo‘nalishida yangi tezyurar elektropoyezd qo‘yiladi
Odatdagi jadval asosida qatnab kelayotgan elektropoyezdlarning qatnov vaqtlari o‘z o‘rnida qoladi.
“5 kun davomida +8 darajadan past bo‘lgan” qoida: Sovet davridan qolgan buzuq tizimdan voz kechiladi
Bu qoida keng jamoatchilik tomonidan keskin tanqidga uchradi va keng muhokamalarga sabab bo‘ldi.
O‘zbekistonda 2025-yili tog‘-kon va geologiya sohasidagi loyihalarga 1 mlrd dollar investitsiya jalb qilinadi
Prezident metallurgiya korxonalarining transformatsiya dasturlari hamda 2025-yilgi rejalari bilan tanishdi.
Izoh (0)