Londonning Nyuxem shahridagi Cumberland Community School nomli o‘rta maktab o‘quvchilarida ajoyib tadqiqot o‘tkazildi. Bolalar ma’lum muddatga ijtimoiy tarmoqlardan foydalanishni to‘xtatgach, ularning o‘qishdagi baholari va yutuqlarda o‘sa boshladi, deb yozadi Hi-tech.mail.ru.
2023-yilda GCSE (General Certificate of Secondary Education — o‘rta maktab bitiruv imtihonlari)ga tayyorgarlik ko‘rayotganda o‘quvchilar TikTok, Snapchat va Instagram kabi ijtimoiy tarmoqlarni o‘chirib tashlashdi, ba’zi o‘quvchilar hatto smartfonlardan butunlay voz kechishdi. Ushbu metod shunchalik muvaffaqiyatli bo‘ldiki, maktab keyingi o‘quv yilida ham tajribani takrorlab, yanada yaxshi natijalarga erishdi.
Smartfon va ijtimoiy tarmoqlarsiz o‘quv dasturi joriy etilgandan beri o‘quvchilarning umumiy reytingi va umumiy baholari bir ballga oshdi. Natijada mazkur maktab Buyuk Britaniyadagi eng yaxshi ta’lim tashkilotlaridan biriga aylandi.
Bugungi kunda GCSE imtihonlarini topshirayotgan o‘quvchilarining 62 foizi ingliz tili va matematika fanlari bo‘yicha kamida 5 ball olmoqda, bu mamlakatdagi o‘rtacha ko‘rsatkichdan 16 foizga yuqoridir.
Tadqiqotdan ma’lum bo‘ldiki, bolalar diqqatini chalg‘itadigan barcha narsalar cheklanganda ularning o‘qishga bo‘lgan qiziqishi osha boshlaydi”, dedi maktab direktori Ehlas Rahmon.
Foto: Daily Mail
Ma’lumotlariga ko‘ra, Buyuk Britaniyadagi 11 yoshli bolalarning 90 foizi hozirda shaxsiy smartfoniga ega va ularning 99 foizi internetda ko‘p vaqt o‘tkazadi. Ijtimoiy tarmoqlardan haddan ortiq foydalanish esa yoshlarda ruhiy salomatlik va o‘qishdagi reytingning pastligi bilan uzviy bog‘liq.
“Besh yil avval maktabimiz o‘quv reytingi juda past edi. Hozirda maktabimiz natijalari bilan faxrlanamiz va bizda o‘tkazilgan tajriba boshqa ta’lim muassasalarini ilhomlantiradi, deb umid qilamiz”, dedi maktab direktori Ehlas Rahmon.
Izoh (0)