Xitoy bugungi kunda nafaqat taniqli brendlar, balki o‘z innovatsiyalari va kreativ g‘oyalari bilan global bozorda porlab chiqishga tayyor bo‘lgan tez rivojlanayotgan kompaniyalarning vatani. Mamlakat tadqiqotlarga katta sarmoya tikib, jahon bozoriga dadil kirib borishi turfa madaniyat va xalqlar hayotidagi o‘ziga xos jihatlarni mahsulot hamda brendlarida aks ettirishga turtki bo‘lmoqda.
Xitoy brendlari sifati haqida tasavvur bo‘lishi uchun butun dunyoda ularning elektromobillariga bo‘lgan talabga qarashning o‘zi kifoya. Ko‘p yillik tarixga ega avtomobil sanoati gigantlari bilan tengma-teng raqobatlashayotgan chin yurti sanoati elektrotexnika borasida ham ilg‘orlar qatorida.
O‘zbekiston prezidentining yaqinda ushbu yurtga amalga oshirgan rasmiy tashrifi, imzolangan ko‘plab hamkorlik hujjatlari Xitoyga bo‘lgan qiziqishni karrasiga oshirdi, deyish mumkin. Ushbu bozor bilan yaqindan tanishish uchun quyida Xitoy brendlari va kompaniyalarning kuchli TOP-8 ro‘yxatini taqdim etamiz.
1. BYD (Build Your Dreams) elektromobillar, akkumulyatorlar, quyosh panellari va boshqa elektr jihozlarini ishlab chiqarishga ixtisoslashgan Xitoy kompaniyasi.
Brend dunyodagi yetakchi elektr avtomobil ishlab chiqaruvchilardan biri hisoblanadi. Uning BYD Tang va BYD Qin kabi modellari innovatsion texnologiyalari va yuqori darajadagi ish samaradorligi tufayli mashhurlikka ega. Kompaniya, shuningdek, litiy-ion batareyalarning yirik ishlab chiqaruvchisi hisoblanadi. Ular o‘zlarining elektr transportida ham, boshqa elektr qurilmalarida ham qo‘llaniladi.
Masalan, BYD ishlab chiqargan Blade akkumulyatorlari ultra yupqa, yengil hajmi, bir vaqtning o‘zida kuchli imkoniyatlari, quvvati bilan Mercedes va Tesla kabi yirik brendlarning e’tiboriga tushdi. Ushbu brendlar uni allaqachon o‘zlarining elektromobillariga o‘rnatishni rejalashtirmoqda.
Kompaniya quyosh energiyasi va energiyani saqlash sohasida ham faol loyihalarni ishlab chiqmoqda. Aytish kerakki, BYD batareyalari jahon elektromobillari sanoatining katta qismini ta’minlaydi. BYD jahon bozoriga muvaffaqiyatli kirib, o‘z mahsulotlarini turli mamlakatlarga yetkazib beradi. Shuningdek, ular xorijiy avtomobil ishlab chiqaruvchilar va jamoat transporti kompaniyalari bilan hamkorlik aloqalarini yo‘lga qo‘ymoqda. Kompaniya barqaror rivojlanish va ekologik mas’uliyatni faol qo‘llab-quvvatlaydi. Ularning elektr transport vositalari va energiya yechimlari atrof-muhitga ta’sirini kamaytirishga qaratilgan. Avtomobil va energetika sohalaridan tashqari, BYD elektronika, LED lampalar va hatto monorelsli transport tizimlari kabi boshqa loyihalarda ham ishtirok etadi.
2. 2023-yilda HONOR brendi Xitoyda smartfonlar toifasida birinchi raqamli brend sifatida e’tirof etilgan (IDC talqiniga ko‘ra).
Ayni e’tirof kompaniyaning innovatsiya va dizayn sohasidagi yutuqlari, gadjetlarning ishonchliligi hamda Xitoy xalqining tanlovi bilan bog‘liq. HONOR 2013-yilda tashkil etilgan, smartfon, planshetlar va boshqa intellektual gadjetlarni ishlab chiqishga yo‘naltirilgan va butun dunyo bo‘ylab Shenjen, Pekin, Ksi, Nankin, Shanxay kabi shaharlarda R&D (Tadqiqot va rivojlanish bo‘limi) markazlari, shuningdek, Fransiya va Yaponiyada ikkita tadqiqot institutiga ega. Kompaniya xodimlarining 60 foizi ilmiy-tadqiqot ishlari bilan shug‘ullanadi. Kompaniyaning ustuvor yo‘nalishi Androidga asoslangan Magic OS operatsion tizimi bo‘lib, u gadjetlar va elektronika o‘rtasida yagona ekotizim yaratish, innovatsiya, sifat va servisga qaratilgan. Aytish kerakki, brend o‘z smartfonlarida BYD kompaniyasi ishlab chiqargan akkumulyatorlardan foydalanib kelmoqda.
Har bir smartfon bozorga chiqishidan avval 400 xil testlardan o‘tib, 20 ta xalqaro sertifikat oladi. HONOR O‘zbekiston bozorida ham taqdim etilgan. Masalan, HONOR X8b smartfoni hamyonbop narxi, flagmanlarniki kabi texnik ko‘rsatkichlari, a’lo darajadagi portret suratga olish funksiyasi bilan xaridorlarni o‘ziga jalb etadi. Bundan tashqari, hozirda Porsche Design bilan hamkorlikda tayyorlangan, yig‘ilgan holatda atigi 9,99 m bo‘lgan ingichka, ixcham HONOR Magic V2 fold smartfoni texnik imkoniyatlari va dizayni bilan mobil sanoat dunyosida o‘zgacha taassurot qoldirmoqda.
-MEfOGuZh.jpg)
3. Xitoy sanoat va tijorat banki yoki ICBC boshqa mamlakatlarga 2006-yildan buyon faol kirib bormoqda.
O‘shanda bank Gonkong va Shanxayda aksiyalarini joylashtirish orqali 21 milliard dollardan ortiq mablag‘ jalb qilgan. Bank Xitoyda yirik filiallar tarmog‘i va millionlab mijozlarga ega. Bu esa unga nafaqat ichkarida, balki tashqi bozorda ham birdek muvaffaqiyatli ishlashga imkon beradi. Afrika va janubi-sharqiy Osiyoga kiritilgan sarmoyalar bankning investitsion strategiyasi qanchalik mukammal ekanligini ko‘rsatadi. Prezidenti boshchiligida ICBC o‘z faoliyatini muvaffaqiyatli qayta tuzib, riskli aktivlar ta’sirini kamaytirdi. Moliyaviy xizmatlar ko‘rsatish sohasidagi innovatsiyalar ham bank mavqeini mustahkamlashga xizmat qildi.
4.Ijtimoiy media, onlayn o‘yinlar, moliyaviy xizmatlar va sun’iy intellekt sohalarida dunyoda yetakchi o‘rinni egallagan Xitoy texnologiya kompaniyasi sanaladi.
Tencent tomonidan yaratilgan WeChat dunyodagi eng mashhur messenjer va ijtimoiy platformalardan biri. U tezkor xabarlar, ijtimoiy tarmoqlar va boshqa ko‘plab funktsiyalarni o‘zida mujassam etgan bo‘lib, foydalanuvchiga bularning barchasini bitta platformada ishlatishga imkon beradi. Kompaniya dunyodagi eng yirik o‘yin ishlab chiqaruvchilardan biri. Honor of Kings va PUBG Mobile kabi o‘yinlar butun dunyo bo‘ylab millionlab faol o‘yinchilarga ega. Ushbu segment kompaniyaga yirik daromad keltiradi.
5. Shein butun dunyo bo‘ylab yoshlar orasida mashhur bo‘lgan global onlayn moda va aksessuarlar brendi.
Shein o‘z kolleksiyalarini tez-tez yangilab, eng so‘nggi moda tendensiyalarini arzon narxlarda taklif qilishi bilan nom qozongan. Kompaniya o‘z mijozlariga yangi va zamonaviy variantlarni taqdim etish orqali moda sanoatidagi o‘zgarishlarga faol javob beradi. Brend ayollar, erkaklar va bolalar kiyimlari, poyabzal, aksessuarlar va hatto uy jihozlarini o‘z ichiga olgan turli xil mahsulot toifalariga ega. Bu mijozlarga kerakli hamma narsani bitta platformada topish imkonini beradi. Shein biznesini asosan raqamli platformalarda quradi, mobil ilovalar va veb-saytlar orqali xarid qilish imkoniyatini taqdim etadi. Bu brendni butun dunyo bo‘ylab millionlab iste’molchilarga osonlik bilan kirish imkonini beradi. Sheinning asosiy tushunchalaridan biri modani hamma uchun ochiq qilish. Arzon narxlar va uslublarning keng tanlovi bilan turli xil imtiyozlar va byudjetlarga ega bo‘lgan mijozlar ehtiyojlarini qondirishga intiladi. Brend o‘zining global auditoriyasini faol ravishda kengaytirmoqda va turli mamlakatlarda mijozlarga ega.
6. ByteDance — ijtimoiy media va ko‘ngilochar sohada jahon yetakchisiga aylangan Xitoy texnologiya kompaniyasi.
ByteDance mashhur TikTok platformasi tufayli alohida e’tiborga tushgan. Ushbu qisqa video almashish ilovasi butun dunyo bo‘ylab milliardlab foydalanuvchilarni o‘ziga jalb etuvchi global meynstrimga aylandi. TikTok video kontentini yaratish, tahrirlash va almashish uchun ijodiy maydonni taqdim etadi va bu uni dunyodagi eng mashhur ilovalardan biriga aylantirdi. ByteDance kompaniyasi, shuningdek, shaxsiylashtirilgan yangiliklar va kontent uchun platforma bo‘lgan Jinri Toutiaoga ham egalik qiladi. Ushbu platforma har bir foydalanuvchining xohishiga mos keladigan yangiliklar va qiziqarli kontentni jamlash uchun algoritmlar va sunʼiy intellektdan foydalanadi. ByteDance global ijtimoiy media bozorini zabt etib, Xitoydan tashqarida muvaffaqiyatli kengayib bormoqda. TikTok nafaqat Xitoyda, balki AQSh, Yevropa va boshqa mamlakatlarda ham turli madaniyatlar va tomoshabinlarni zabt etmoqda. Kompaniya sun’iy intellekt sohasidagi innovatsiyalari bilan mashhur. Ushbu texnologiyalar foydalanuvchi tajribasini yaxshilash, kontentni shaxsiylashtirish va noyob raqamli mahsulotlar yaratish uchun ishlatiladi.
7. PROYA Cosmetics — pardoz va terini parvarishlovchi mahsulotlar bozorida ildamlab borayotgan yirik Xitoy kosmetika kompaniyasi sanaladi.
2006-yilda tashkil etilgan brend innovatsiya hamda zamonaviy tendensiyalarni o‘zida mujassam etadi. PROYA mahsulotlari ichida pardoz-andoz, teri parvarishi va parfyumeriya vositalarini uchratish mumkin. Kompaniya tadqiqot va ishlanmalarga katta urg‘u bergan holda yuqori texnologiya va tarkibiy qismlar asosidagi innovatsion mahsulotlarni taklif etishga intiladi. Kompaniya ekologik muammolarga befarq emas, doimiy tarzda zamonaviy iste’molchilarga ma’qul takliflar berish barobarida atrof-muhitni ham unutmaydi.
8. Luckin Coffee – qahva sanoatiga sezilarli hissa qo‘shgan va biznesga yangicha yondashuvlari bilan mashhurlikka erishgan Xitoy kompaniyasi sanaladi.
Kompaniya 2017-yilda tuzilgan bo‘lib, qisqa muddatda an’anaviy qahvaxonalar uchun jiddiy raqobatchiga aylandi. Brend asosiy fokusini onlayn savdo hamda yetkazib berish xizmatiga qaratadi. Xususan, qahva buyurtmasi, onlayn menyu bilan tanishish, sodiqlik tizimidagi ishtirok va yetkazib berish xizmatini mijozlar bevosita mobil ilovadan amalga oshirishi mumkin. Luckin Coffee nafaqat Xitoy, balki jahon bozorida ham tobora kengayib, mahsulotlarini kengroq ommaga tanishtirmoqda. Brend barra va sara donlardan foydalanishi bilan yuqori sifatli qahva taqdim etishga intiladi. Qahvadan tashqari choy va boshqa turli ichimliklarni ham ishlab chiqarib kelmoqda. Brend moliyaviy barqarorlik fonida yirik rejalar bilan birjaga chiqqan. Bugungi kunda Luckin Coffee zamonaviy texnologiyalar an’anaviy qahva sanoatiga qanchalik keng ta’sir eta olishini isbotlab bera olgan brenddir.
Reklama huquqi asosida.
Izoh (0)