Isroil armiyasi garovga olinganlarni qaytarish bo‘yicha kelishuvni amalga oshirishga tayyorgarlik ko‘rmoqda. Bu haqda Isroil bosh vaziri maslahatchisi Dmitriy Gendelman o‘zining Telegram kanalida ma’lum qildi.
“Kelishuvni amalga oshirish doirasida Isroil armiyasi tasdiqlangan operativ rejaga muvofiq harakat qiladi. Armiya HAMAS qo‘lidan ozod etilishi kutilayotgan garovga olinganlarni qabul qilishga tayyorlanmoqda”, deyiladi xabarda.
Rasmiy, shuningdek, Isroil harbiylari “Isroil fuqarolari, ayniqsa chegaradosh hududlar aholisi xavfsizligini ta’minlash choralarini ko‘rishda davom etishini” ta’kidladi. Gendelman ozod etilganlarga har tomonlama — ham jismoniy, ham ruhiy yordam ko‘rsatilishini aytdi.
G‘azo sektorida o‘t ochishni to‘xtatish joriy yilning 19-yanvar kuni mahalliy vaqt bilan soat 8:30 da boshlanadi. 17-yanvar kuni Isroil va HAMAS AQSH va Qatar vositachiligida garovga olinganlarni ozod qilish to‘g‘risidagi bitimni imzolagandilar.
Misr TIV kelishuvning birinchi bosqichida Isroil 1890 nafar falastinlik mahbusni, HAMAS bunga javoban 33 nafar garovga olinganlarni ozod qilishi haqida xabar berdi.
42 kun davom etadigan birinchi bosqichda HAMAS Isroil tomonidan 1890 dan ortiq mahbusni ozod qilish evaziga 33 nafar garovga olinganlarni ozod qiladi, deyiladi xabarda.
O‘z navbatida, Netanyaxu hukumat HAMASdan ozod qilinishi kerak bo‘lgan garovdagilar ro‘yxatini hali olmаganligini ma’lum qildi.
Kelishilganidek, ozod etiladigan garovdagilar ro‘yxatini olmagunimizcha kelishuv bo‘yicha oldinga siljimаymiz. Isroil bitimning buzilishiga yo‘l qo‘ymaydi. Buning to‘liq javobgarligi HAMASning zimmasida, dedi Isroil bosh vaziri.
Isroil va HAMAS o‘rtasidagi kelishuvga ko‘ra, HAMAS ayirboshlashdan 24 soat oldin ozod qilinadigan garovdagilarning ismlari ro‘yxatini taqdim etishi kerak.
2023-yil 7-oktyabrda HAMAS jangarilari Isroil hududiga bostirib kirib, 253 kishini o‘g‘irlab, anklavga olib ketgan. Bunga javoban Isroil harakatni tor-mor qilish va uning infratuzilmasini yo‘q qilish maqsadida harbiy operatsiya boshlaganini e’lon qildi. G‘azo sog‘liqni saqlash vazirligi ma’lumotlariga ko‘ra, Isroil armiyasi operatsiyalarida 46 899 nafar falastinlik halok bo‘lgan.
Izoh (0)