“Muhtasham yuz yil” seriali hech qachon tarixiy jihatdan yuz foiz aniq va real voqealar asosida yaratilmagan. Undagi hikoyalarning ko‘p qismi rejissyorlar tomonidan o‘ylab topilgan.
Ekranda aks ettirilgan saroydagi muhit 16-asrda Usmonlilar imperiyasi hayotidagi haqiqiy an’ana va turmush tarzidan keskin farq qiladi. Shunday nomuvofiqliklardan biri Xadicha Sulton obrazi bilan bog‘liq.
Sulton Sulaymonning singlisi erining qatlida Xurramni aybdor deb biladi. Ibrohim poshoning o‘limidan so‘ng u sehr-joduga murojaat qilib, Xurramga nisbatan yovuz ishlarni amalga oshiradi. Ammo Islom dini va madaniyati hukm surgan Usmonlilar imperiyasida bunday ishlar qonunga zid bo‘lgan. Sehr-jodu va shunga o‘xshash boshqa xatti-harakatlar qilish sulton oilasi uchun nafaqat ehtimoldan yiroq, balki Usmonli elitasi odatlariga mutlaqo zid bo‘lgan.
Islom anʼanalarida sehr-jodu bilan shug‘ullanish eng og‘ir gunohlardan biri hisoblanadi. Qur’on bu ishlarni qattiq qoralaydi. Sehrgarlik bilan shug‘ullanganlar esa o‘sha davrda o‘limga hukm qilinishi mumkin edi. Shu sababli serialda Xadicha sultonning bunday ishga qo‘l urishi va javobgarlikka tortilmasligi mantiqan xato hisoblanadi.
Izoh (0)