Burak O‘zchivit 40 yoshda: ajoyib umr yo‘ldosh va mehribon ota, fotograf va kolleksioner haqida nimalar ma’lum?

Bugun, 24-dekabr kuni Turkiyaning mashhur aktyori Burak O‘zchivit 40 yoshini nishonlamoqda. Aktyor “Muhtasham yuz yil”, “Choliqushi” va “Sevgi iztirobi” teleseriallaridagi rollari tufayli ko‘plab tomoshabinlarning sevimlisiga aylangan. Uning chiroyli ko‘rinishi kuchli xarizma bilan birgalikda unutilmas personajlarni yaratishga yordam beradi.

Burak O‘zchivit — turkiyalik aktyor, model va tadbirkor. U 1984-yilda Istanbulda tug‘ilgan, Istanbuldagi Marmara universitetida kino, tasviriy san’at va fotografiya fakultetini tamomlagan. Keyinchalik model hamda aktyor sifatida faoliyatini boshlagan.

Burak O‘zchivit karyerasini model sifatida boshlab, turli moda namoyishlari va reklama kampaniyalarida ishtirok etadi. 2005-yilda u “Turkiyaning eng yaxshi modeli” unvonini qo‘lga kiritadi va “Dunyoning eng yaxshi modeli” tanlovida ishtirok etadi. 2007-yilda “Majburiy nikoh” serialida debyut qiladi, keyinchalik “Muhtasham yuz yil” va “Sevgi iztirobi” kabi ko‘plab muvaffaqiyatli dramalarda rol o‘ynaydi. Biroq “Qurilish: Usmon” filmidagi Usmonbey roli unga olamshumul shuhrat keltiradi.

“Choliqushi” syomkasidagi muhabbat va haqiqiy to‘y

2013-yildan 2014-yilgacha efirga uzatilgan “Choliqushi” serialida O‘zchivit boy va oliy ma’lumotli yigit — Kamron rolini o‘ynaydi, u o‘zining xolavachchasi Feridega (Fahriye Evjen ijro etgan) ko‘ngil qo‘yadi.

Sodiq turmush o‘rtoq va ajoyib ota

“Choliqushi” serialining suratga olish paytida aktyor Fahriye Evjen bilan do‘stlashib ketadi. Vaqti kelib, ular bir-biriga ko‘ngil qo‘yadi va 2017-yilda turmush qurishadi. Hozirda ularning ikki farzandi bor. Yulduzli juftlik havas qilarli muhabbati va bir-biriga sodiqligi bilan tanilgan. Ular shaxsiy hayotidagi voqealarni muxlislari bilan ijtimoiy tarmoqlarda tez-tez baham ko‘rishadi.

Burak O‘zchivitning sevimli mashg‘ulotlari

Muvaffaqiyatli aktyorlik karyerasidan tashqari, O‘zchivit mohir fotograf hamdir. Uning fotokolleksiyalari Istanbul va Turkiyaning boshqa shaharlarida namoyish etilgan bo‘lib, uning iste’dodi va noodatiy ijodini namoyish etadi.

Burak O‘zchivitning daromadi va dabdabali hayoti

Faoliyati davomida aktyor katta moliyaviy muvaffaqiyatlarga erishdi. 2023-yilga kelib uning boyligi 12 million dollarga baholanmoqda.

U oilasi bilan Istanbulning qoq markazidagi elita hududida joylashgan ajoyib villada yashaydi. Burak O‘zchivit qimmatbaho avtomobillarga ega bo‘lib, uning hashamatga moyilligini aks ettiradi. Kolleksiyaning marvaridi McLaren 570 S — zamonaviy va hashamatli sportkar bo‘lib, narxi 230 ming dollarga teng.

Uning avtomobillar kolleksiyasida 92 000 dollar turadigan zamonaviy va hashamatli yo‘ltanlamas — Land Rover Range Rove ham bor. Aktyor har doim mashinalarini o‘zi haydaydi.

So‘nggi ma’lumotlarga ko‘ra, aktyor Rossiyada suratga olinadigan yangi “Siz bilan uzoq vaqt qolaman” (“Я к тебе надолго”) nomli serialda ishtirok etadi va unda bosh qahramon rolini ijro etadi.

Yangi serialda to‘satdan Moskvaga qaytgan turkiyalik mashhur yulduz va uning sarguzashtlari haqida hikoya qilinadi. Syujet markazida seriallarni tomosha qilishni yaxshi ko‘radigan Marina ismli qiz turadi. Bir kuni uning orzusi ro‘yobga chiqadi va xonadoni ostonasida Burak O‘zchivit paydo bo‘ladi.

Burak O‘zchivit rafiqasi Fahriye Evjen bilan Moskvaga noyabr oyining oxirida uchib keldi. Juftlik Moskvaning diqqatga sazovor joylariga, xususan, Tretyakovskaya galereyasi va Qizil maydonga tashrif buyurdi.

Ma’lumot uchun, Burak O‘zchivit Rossiya loyihalarida avval ham ishtirok etgan, jumladan, aktyor “Archalar 11” filmida epizodik rolda namoyon bo‘lgan. Undagi voqealar Rossiyaning har xil burchaklarida sodir bo‘lib, yosh qiz Yangi yil arafasida “Turkiyalik shahzoda” bilan uchrashishni chin dildan istaydi va uning orzusi kutilmagan tarzda amalga oshadi.