АҚШнинг сайланган президенти Дональд Трамп амалдаги президент Жо Байден маъмуриятини Украинадаги можарони келтириб чиқаришда айблади.
Сиёсатчининг таъкидлашича, айнан Байден вакилларининг малакасизлиги Россиянинг махсус ҳарбий операцияни бошлашига сабаб бўлган. У Флорида штатида жойлашган қароргоҳида журналистларга шундай баёнот билан чиқди.
“Менимча, Россия Украинага ҳужум қилди, чунки Байден маъмуриятининг уқувсизлигини кўрди. Улар нима қилаётганларини ўзлари ҳам билмайди. Лекин биз нима қилаётганимизни биламиз ва буларнинг ҳаммаси тугайди. Бизда буюк армия бор”, деди Трамп.
Бундан ташқари, Трамп президентлиги можаролар билан қопланган даврда бошланишини таъкидлади.
У Байден маъмурияти Украинанинг НАТОга кириши бўйича музокараларда кўплаб хатоларга йўл қўйганини тан олди.
Трампнинг қайд этишича, барча томонлар, жумладан, Россия ва Ғарб ҳамиша Украина НАТОга аъзо бўла олмаслигини тушуниб келган.
Трамп Путин билан учрашиш имконияти ҳақида гапиришдан бош тортди, бироқ “Россия президенти у билан музокаралар олиб боришни хоҳлайди” деб ҳисоблайди.
Изоҳ (0)