Qozog‘istonning Aqto‘be viloyatidagi K.Nokin qishlog‘ida erkak tok urishi oqibatida vafot etdi. Bu haqda Tengrinews xabar berdi.
Ma’lum qilinishicha, hodisa 31-dekabr kuni, Yangi yil arafasida yuz bergan. Fuqaro elektr ta’minoti yo‘qligining sababini tekshirish uchun transformator punktiga borgan va tok urishidan vafot etgan. Qisqa tutashuv oqibatida transformator punkti yonib ketgan. Marhum 38 yoshda bo‘lgan.
Aqto‘be viloyati politsiya departamentiga ko‘ra, transformator punktida jasad topilgani bo‘yicha sudgacha tergov harakatlari boshlangan. Dastlabki o‘lim sababi — elektr toki urishi deb taxmin qilinmoqda.
Oktyabr oyida ham Qozog‘istonda elektr toki urishi oqibatida o‘lim kuzatilgandi. Energetika kompaniyasi xodimi elektr uzatish tarmog‘ida ta’mirlash ishlarini amalga oshirayotganda halok bo‘lgan. Marhum 36 yoshda edi.
Izoh (0)