Qozog‘iston chempionatida mavsumning eng chiroyli goli sovrinini o‘zbekistonlik futbolchi qo‘lga kiritdi.
“Ordabasi” klubi hujumchisi Jasur Yaxshiboyev 21-turda “Astana” (2:4) darvozasiga jarimadan urgan goli ovoz berish natijalariga ko‘ra birinchi o‘rinni egalladi.
Shu tariqa 27 yoshli futbolchi Oleg Litvinenko nomidagi mukofotga sazovor bo‘ldi.
Eslatib o‘tamiz, Yaxshiboyev yakunlangan mavsumda Qozog‘iston chempionatida 17 o‘yinda 9 ta gol urib, to‘purarlar orasida to‘rtinchi pog‘onani band etdi.
Ma’lumot uchun, o‘tgan mavsumni “Navbahor” safida o‘tkazgan futbolchi yil boshida Qozog‘iston klubiga ko‘chib o‘tgandi. Transfermarkt portali futbolchining bozor qiymatini 700 ming yevro etib belgilagan. Futbolchining qozoq klubi bilan shartnomasi yakuniga yetdi.
Izoh (0)