AQSHning saylangan prezidenti Donald Tramp Ukraina prezidenti Vladimir Zelenskiy urush tugashi to‘g‘risidagi kelishuvni tuzishga tayyorlanishi kerakligini aytdi.
Trampning so‘zlariga ko‘ra, u Ukraina prezidentidan “tinchlik istagi”ga ishora qiluvchi signal olgan. Endilikda bu masalani Rossiya rahbari Vladimir Putin bilan muhokama qilmoqchi. Siyosatchi Ukraina harbiylariga AQSH qurollari bilan Rossiya hududiga zarba berishga ruxsat berilganiga ham munosabat bildirdi. U amaldagi AQSH prezidentining bu qarorini “ahmoqona va xato” deb hisoblashini aytdi.
Shuningdek, Tramp Ukrainaning vaqtincha bosib olingan hududida birorta ham bino yo‘qligi va odamlar u yerga qaytmasligini ta’kidladi.
Odamlarning qaytadigan joyi yo‘q. U yerda hech narsa yo‘q, faqat xarobalar, dedi u.
Shu tariqa Tramp “Ukraina hududining bir qismini Rossiyaga berishi kerakmi?” degan savolga javob berdi. AQSHning saylangan prezidentiga ko‘ra, urush oqibatida zarar ko‘rgan Ukraina shaharlarini tiklashga 100 yilgacha vaqt ketishi mumkin.
Tramp yanvar oyidagi matbuot inauguratsiyasiga Zelenskiyni taklif qilmaganini ham tan oldi:
Agar u kelishni istasa, kelishini xohlardim. Lekin hozircha uni taklif qilmaganimni nazarda tutyapman, dedi siyosatchi.
Izoh (0)