АҚШнинг сайланган президенти Дональд Трамп Украина президенти Владимир Зеленский уруш тугаши тўғрисидаги келишувни тузишга тайёрланиши кераклигини айтди.
Трампнинг сўзларига кўра, у Украина президентидан “тинчлик истаги”га ишора қилувчи сигнал олган. Эндиликда бу масалани Россия раҳбари Владимир Путин билан муҳокама қилмоқчи. Сиёсатчи Украина ҳарбийларига АҚШ қуроллари билан Россия ҳудудига зарба беришга рухсат берилганига ҳам муносабат билдирди. У амалдаги АҚШ президентининг бу қарорини “аҳмоқона ва хато” деб ҳисоблашини айтди.
Шунингдек, Трамп Украинанинг вақтинча босиб олинган ҳудудида бирорта ҳам бино йўқлиги ва одамлар у ерга қайтмаслигини таъкидлади.
Одамларнинг қайтадиган жойи йўқ. У ерда ҳеч нарса йўқ, фақат харобалар, деди у.
Шу тариқа Трамп “Украина ҳудудининг бир қисмини Россияга бериши керакми?” деган саволга жавоб берди. АҚШнинг сайланган президентига кўра, уруш оқибатида зарар кўрган Украина шаҳарларини тиклашга 100 йилгача вақт кетиши мумкин.
Трамп январь ойидаги матбуот инаугурациясига Зеленскийни таклиф қилмаганини ҳам тан олди:
Агар у келишни истаса, келишини хоҳлардим. Лекин ҳозирча уни таклиф қилмаганимни назарда тутяпман, деди сиёсатчи.
Изоҳ (0)