Germaniyaning Volkswagen kompaniyasining Amerika bo‘linmasi xavfsizlik yostig‘i portlash ehtimoli tufayli 114 mingdan ortiq avtomobilni chaqirib oladi, deya xabar beradi AQSh Milliy yo‘l harakati xavfsizligi boshqarmasi (NHTSA) saytida.
Xususan, portlovchi moddaning degradatsiyasi tufayli haydovchining havo yostig‘i puflagichi yorilishi mumkinligi xabar qilimoqda. Buning natijasida yo‘lovchilarning sog‘lig‘i va hayotiga jiddiy tahdid soladigan o‘tkir metall parchalarining tarqalishiga olib keladi.
Gap hozirda bankrot bo‘lgan Yaponiyaning Takata kompaniyasi tomonidan ishlab chiqarilgan uskunalar haqida ketmoqda.
Yangi chaqiruv Volkswagen va AQSh Milliy yo‘l harakati xavfsizligi boshqarmasi o‘rtasidagi 2020-yilgi kelishuvning davomi bo‘lib, 2012—2016-yillardagi Volkswagen Beetle’ni xuddi shu komponent tufayli chaqirib olishga olib kelgandi.
Buning bir qismi sifatida Beetle’ning 2017—2019-yildagi modellari, jumladan, kabrioletlar va bir qator Passat modellari qaytarib olinmoqda.
Dilerlar chaqirib olingan transport vositalarida haydovchi havo yostig'i modullarini bepul almashtirib beradi.
Takata 2017-yilda Qo‘shma Shtatlarda 42 million avtomobilni chaqirib olish natijasida ko'p milliard dollarlik majburiyatlarga duch kelganidan keyin bankrot bo'ldi. Bu yil yozda Stellantis, BMW va boshqalar xavfsizlik yostiqchalari bilan bog'liq muammolar tufayli chaqirib olingan.
Izoh (0)