Германиянинг Volkswagen компаниясининг Америка бўлинмаси хавфсизлик ёстиғи портлаш эҳтимоли туфайли 114 мингдан ортиқ автомобилни чақириб олади, дея хабар беради АҚШ Миллий йўл ҳаракати хавфсизлиги бошқармаси (NHTSA) сайтида.
Хусусан, портловчи модданинг деградацияси туфайли ҳайдовчининг ҳаво ёстиғи пуфлагичи ёрилиши мумкинлиги хабар қилимоқда. Бунинг натижасида йўловчиларнинг соғлиғи ва ҳаётига жиддий таҳдид соладиган ўткир металл парчаларининг тарқалишига олиб келади.
Гап ҳозирда банкрот бўлган Япониянинг Таката компанияси томонидан ишлаб чиқарилган ускуналар ҳақида кетмоқда.
Янги чақирув Volkswagen ва АҚШ Миллий йўл ҳаракати хавфсизлиги бошқармаси ўртасидаги 2020 йилги келишувнинг давоми бўлиб, 2012—2016 йиллардаги Volkswagen Beetleъни худди шу компонент туфайли чақириб олишга олиб келганди.
Бунинг бир қисми сифатида Beetle’нинг 2017—2019 йилдаги моделлари, жумладан, кабриолетлар ва бир қатор Passat моделлари қайтариб олинмоқда.
Дилерлар чақириб олинган транспорт воситаларида ҳайдовчи ҳаво ёстиғи модулларини бепул алмаштириб беради.
Таката 2017 йилда Қўшма Штатларда 42 миллион автомобилни чақириб олиш натижасида кўп миллиард долларлик мажбуриятларга дуч келганидан кейин банкрот бўлди. Бу йил ёзда Stellantis, BMW ва бошқалар хавфсизлик ёстиқчалари билан боғлиқ муаммолар туфайли чақириб олинган.
Изоҳ (0)