Bu aktyorlar shunchalik boyki, hamma narsani sotib olishga qodir. Biroq ular oddiy insonlar kabi kamtarona hayot kechirishni afzal ko‘radi, pulni eng kerakli narsalarga sarflaydi va boshqalarga yordam beradi. The Voice nashri boy bo‘lishiga qaramasdan, oddiy insonlar kabi hayot kechirishni ma’qul ko‘radigan mashhurlar haqida ma’lumot berdi.
Kianu Rivz
Gollivud aktyori Kianu Rivz pulni umuman ayamaydi, biroq bu xarid qilish yoki o‘yin-kulgi masalasiga tegishli emas. U ishlab topgan pulining aksariyat qismini xayriyaga ajratadi va o‘ziga uncha ko‘p mablag‘ sarflamaydi.
Jennifer Lourens
Aktrisa Jennifer Lourens uyda mazali taom iste’mol qilishni afzal ko‘radi, chegirmali tovarlarni sotib oladi va uning garajida qimmatbaho sport mashinalari o‘rniga oddiy Volkswagen va Chevrolet avtomobillari bor. Jennifer Lourens hisobidagi millionlab dollarlarni aytmaganda oddiy, o‘rtahol yashaydigan aktrisa.
Leonardo Di Kaprio
Mablag‘ini tejaydigan insonlar qatorida shaxsiy oroliga ega bo‘lgan insonni ko‘rish g‘alati. Shunga qaramasdan, Leoni ko‘p pul sarflaydigan inson deb atab bo‘lmaydi. Gollivud aktyori Leonardo Di Kaprio tabiatni asrovchi yulduzlardan biri hisoblanadi. U pulini qimmatbaho kiyimlar va mashinalarga sarflamaydi. Biroq aktyor xayriya uchun pulni ayamaydi, aktyor jonivorlarni qutqarish uchun ishlab topgan pulidan mablag‘ ajratadi.
Kira Naytli
Kira Naytli har tomonlama oddiy yashaydigan insonlarga yaqinroq bo‘lishga harakat qilmoqda, aktrisaning topayotgan mablag‘i bilan bunday hayot tarzini kechirish unchalik oson emas. Gollivud aktrisasi o‘ziga oylik limit qo‘ygan, u bu miqdordan ko‘p pul sarflamaydi.
Kristian Beyl
Kristian Beyl o‘zi ijro etgan Betmen obrazidan farqli o‘laroq, hashamatli hayotga intilmaydi, u million dollarlab mablag‘ini xayriya ishlariga sarflaydi. Uning uchun yaxshi hayot — uyi, ovqat, suv va yaqin insonlarining borligi. “Agar uyimga o‘g‘ri bostirib kirsa, yig‘lab yuboradi”, — deb hazil qiladi aktyor.
Jennifer Garner
Jenniferga boylik kerak emas, u bozordan mahsulot sotib oladi va eng oddiy do‘konlardan kiyinadi. U ko‘chalarda hamrohsiz yuradi va qimmatbaho mashinalardan ko‘ra velosipedni afzal ko‘radi.
Rassell Krou
Aktyor vaqtini va pulini behuda sarf qilmaslikka qaror qilgan. “Men Avstraliyada o‘zimga rancho sotib oldim va u yerga stress, dedlayn va shahar shovqinidan uzoqda kamtarona yashash uchun ko‘chib ketdim”, — deydi aktyor.
Izoh (0)