Duden lug‘ati nemis tildagi eng uzun so‘zlar ro‘yxatini taqdim etdi. Duden saytida chop etilgan press-relizga ko‘ra, birinchi o‘rinni 67 ta harfdan iborat so‘z egalladi.
Bu Grundst cksverkehrsgenehmigungszust ndigkeits bertragungsver ordnung so‘zi. U “Yer uchastkasi bilan bitim tuzishga ruxsat berishda yurisdiksiya huquqini o‘tkazish to‘g‘risidagi qoida” deb tarjima qilinishi mumkin. Bu imlo lug‘atidagi eng uzun so‘zdan 23 ta harfga ko‘p.
Ikkinchi va uchinchi o‘rinlarni har biri 58 ta harfdan iborat ikkita so‘z egalladi. Bu Llanfairpwllgwyngyllgogerychwyrndrobwllllantysiliogogogoch va Stra enentw sserungsinvestitionskostenschuldendienstumlage so‘zi bo‘lib, u “Yo‘l drenaj tizimiga investitsiyalar bo‘yicha qarzga xizmat ko‘rsatish” degan maʼnoni anglatadi.
Bundan keyin 56 harfdan iborat Kurzfristenergieversorgungssicherungsma nahmenverordnung so‘zi keladi. Uni “Energiya ta’minoti xavfsizligini ta’minlash bo‘yicha qisqa muddatli chora-tadbirlar to‘g‘risidagi qoida” deb tarjima qilish mumkin.
Duden lug‘atidagi eng uzun so‘zlar asosan yuridik va byurokratik tillardan kelib chiqqan qo‘shma so‘zlardir. Reytingda faqat oxirgi 10 yil ichida qo‘llanilgan va ommaviy axborot vositalarida kamida 5 marta uchratish mumkin bo‘lgan so‘zlar keltirilgan.
Duden nemis tilining eng nufuzli lug‘atlaridan biri. Nemis tilida grammatikaning o‘ziga xos xususiyatlaridan kelib chiqqan holda, bir nechta so‘zlardan tuzilgan uzun terminlar ko‘p uchraydi.
Izoh (0)