Nemis tilini o‘qitish tizimini yanada takomillashtirish hamda yoshlarni kasbiy taʼlimga yo‘naltirishga ko‘maklashish maqsadida O‘zbekistondagi professional taʼlim muassasalarining 27 nafar nemis tili o‘qituvchisi Germaniyaga yuborildi. Bu haqda “Daryo” muxbiri Azizbek Abduvaliyev xabar bermoqda.
Oliy taʼlim, fan va innovatsiyalar vazirligi
Ular 8 hafta davomida Germaniyadagi til o‘qitish markazida til darajasi hamda kasbiy ko‘nikmalarini oshirishga mo‘ljallangan dastur asosida taʼlim oladi.
Yuborilayotgan pedagoglardan malaka oshirish davomida intensiv tayyorlov kurslarida faol ishtirok etib, nemis tilini o‘qitishning eng so‘nggi uslublari, zamonaviy qo‘llanma va darsliklar bilan ishlash ko‘nikmalarini shakllantirishlari kutilmoqda.
O‘qituvchilar Toshkent xalqaro aeroportidan masʼul xodimlar hamrohligida Berlinga yo‘l oldi.
Izoh (0)