“Liverpul” himoyachi Virjil van Deyk jamoani tark etishga qaror qilsa, uning o‘rniga qaysi futbolchi sotib olinishi ma’lum bo‘ldi. Gollandiyalik futbolchining shartnomasi mavsum oxirida yakuniga yetadi.
Klub himoya chizig‘ini Dortmundning “Borussiya”si va Germaniya terma jamoasi himoyachisi Niko Shlotterbek bilan kuchaytirish niyatida. “Qizillar” bu transfer uchun taxminan 50 million yevro, futbolchining o‘ziga esa yiliga 7 million yevro maosh taklif qilishga tayyor. “Liverpul”ning Shlotterbek uchun kurashdagi raqibi “Nyukasl” klubi hisoblanadi.
Eslatib o‘tamiz, 24 yoshli markaziy himoyachi “Borussiya” safida 2022-yilning iyulidan buyon to‘p surmoqda. Uning shartnomasi 2027-yilning iyunigacha amal qiladi. Joriy mavsumda Shlotterbek barcha turnirlarda 9 ta o‘yin o‘tkazib, ikkita golli uzatmani amalga oshirdi va to‘rt bor sariq kartochka oldi. Transfermarkt portali nemis futbolchisini 40 million yevroga baholamoqda.
Izoh (0)