Tashqi mehnat migratsiyasi agentligi “ConsultingUz” tashkiloti bilan hamkorlikda Germaniyaning “Europa-Park” tashkilotiga mehmonxona va gastronomiya sohalari uchun fuqarolarni Ausbildungga taklif etmoqda. Bu haqda agentlik axborot xizmati xabar bermoqda.
Ma’lumot uchun, Ausbildung dasturi bu – ma’lum kasbga yo‘naltirilgan, nazariy va amaliy bilimlarni umumlashtirgan holda kasbni chuqur o‘rgatadigan va bitirganligi to‘g‘risida diplom beradigan Germaniya Mehnat vazirligi tomonidan tashkil etilgan dastur hisoblanadi.
Nomzodlar uchun talablar:
- Maktab shahodatnomasi;
- Nemis tilidan kamida B1 (Geothe, Ö, TELC, ECL) darajadagi sertifikat;
- Yosh chegarasi 18-30 yosh.
Afzalliklari:
- Stipendiya 950-1200 yevro;
- Yashash joyi topishga ko‘mak;
- Tibbiy sug‘urta;
- Kasbiy ta’limdan keyin kafolatlangan ish joyi;
- Xalqaro aviachipta va aeroportdan transfer. Ro‘yxatdan o‘tish.
Buyuk Britaniya fermalarida mavsumiy ishda bo‘lib, O‘zbekistonga qaytib kelgan fuqarolar uchun ingliz tilini o‘rganish uchun tanlov e’lon qildi. Tanlovdan o‘tgan 100 nafar ishtirokchi 6 oy davomida bepul ingliz tili kursiga jalb etiladi. Tanlovda qatnashish uchun ushbu arizani to‘ldirish lozim:
Shuningdek, Buyuk Britaniya fermalarida mavsumiy ishda bo‘lib, O‘zbekistonga qaytgan fuqarolar uchun biznes rejalarini amalga oshirishda texnik ko‘mak ko‘rsatish tanlovi ham e’lon qilinadi.
Tanlovning 8 nafar g‘olibi o‘z biznes loyihalari uchun 50 mln so‘mgacha grant mablag‘ini yutib olishi mumkin. Shuningdek, ular o‘z biznes rejalarini muvaffaqiyatli amalga oshirishi uchun Toshkent shahrida mutaxassislar tomonidan o‘tkaziladigan 1 kunlik treningda ishtirok etadi.
Izoh (0)