“Inter Mayami” hujumchisi Lionel Messi “Manchester Yunayted” va Angliya terma jamoasi sobiq hujumchisi Ueyn Runi haqida gapirdi.
“Men Runini doim hurmat qilganman. Men uchun u o‘z avlodining buyuk ingliz futbolchisi. Uning maydondagi harakatlari o‘ziga xos. U Yevropaning istalgan klubini kuchaytira oladigan kam sonli futbolchilardan biri edi”, deya Messining so‘zlaridan iqtibos keltiradi “Manchester Yunayted Forever” ijtimoiy tarmoqlarda.
Eslatib o‘tamiz, Messi 2023-yil yozgi transfer oynasida “Inter Mayami”ga o‘tgan edi. Joriy mavsumda argentinalik futbolchi Amerika klubining 19 ta uchrashuvida qatnashib, 20 ta gol va 10 ta golli uzatmani amalga oshirgan. Messining “Inter Mayami” bilan amaldagi mehnat shartnomasi 2025-yilning dekabrigacha amal qiladi.
Runi 1985-yilning 24-oktyabrida Angliyada tug‘ilgan. Faoliyatining asosiy qismini “Manchester Yunayted”da o‘tkazgan hujumchi klub tarkibida 393 uchrashuvda maydonga tushgan va 183 ta gol urgan.
2015-yildan 2023-yilgacha Runi terma jamoa safida 120 o‘yinda 53 ta gol urgan va eng yaxshi to‘purar bo‘lgan. Faqatgina 2023-yil 23-martda kelib Keyn ushbu nomni hujumchidan tortib oldi. U terma jamoada o‘tkazgan o‘yinlari soni bo‘yicha ham ikkinchi o‘rinni egallab turibdi.
Izoh (0)