“Manchester Yunayted” gol o‘tkazish bo‘yicha o‘zining antirekordini takrorladi

“Manchester Yunayted” eng ko’p gol o‘tkazib yuborish bo‘yicha 1977-yildagi antirekordini takrorladi. 

6-may kuni futbol bo‘yicha Angliya chempionatining 36-turi doirasida “Manchester Yunayted” klubi “Kristal Pelas” mehmoni bo‘lib, yirik hisobda mag‘lub bo‘ldi. Uchrashuv 4:0 hisobida yakunlandi.

Shu tariqa, “Manchester Yunayted” bosh murabbiyi Erik ten Hag boshchiligidagi jamoa 1976—1977-yilgi mavsumdan beri ilk bor barcha turnirlarda 81 ta gol o‘tkazib yubordi (55 ta Premyer Ligada, 8 ta Angliya kubogida, 3 ta Angliya liga kubogida va Chempionlar Ligasida 15ta).

Mutlaq antirekord uchun “Manchester Yunayted” bitta gol o‘tkazib yuborishi kerak. Jamoa navbatdagi o‘yinni Londonning “Arsenal” jamoasiga qarshi o‘tkazadi. Uchrashuv 12-may kuni “Old Trafford” stadionida bo‘lib o‘tadi.

35-turdan so‘ng manchesterliklar 54 ochko bilan APL turnir jadvalida 8-o‘rinni egallab turibdi.