APL. “Manchester Yunayted” mehmonda ishonchli g‘alabaga erishib, 3-o‘ringa ko‘tarildi

Futbol bo‘yicha Angliya Premyer Ligasining 31-turida “Manchester Yunayted” 16-aprel, yakshanba kuni “Nottingem Forest” mehmoni bo‘ldi.

Uchrashuvning 32-daqiqasida Antoni mankunianlarni hisobda oldinga olib chiqdi. 76-daqiqada “Manchester Yunayted” qanot himoyachisi Diogu Dalot o‘z hisobiga gol yozdirib qo‘ydi. Qolgan vaqtda hisob o‘zgarmadi.

Mazkur g‘alaba evaziga “qizil iblislar” ochkolarini 59 taga yetkazib oldi va 3-o‘rinni egallab turibdi. Jamoa ikkinchi o‘rindagi hamshaharidan 11 ochko ortda qolmoqda, ta’qibchi “Nyukasl”dan uch ochko oldinda. “Nottingem Forest” 27 ochko bilan 18-pog‘onani band etgan.

16-aprel kungi o‘yinlardan keyin musobaqa jadvali quyidagi ko‘rinishni oldi:

APL

31-tur bahsi

16-aprel, yakshanba

“Nottingem Forest” – “Manchester Yunayted” 0:2

Gollar: 0:1 – 32 Antoni, 0:2 – 76 Diogu Dalot.

“Nottingem Forest”: Navas, Uilyams, Felipe, Makkenna (Dennis, 81), Niakate, Lodi, Froyler (Mangalya, 65), Gibbs-Uayt (Lingard, 88), Danilo, Jonson, Avoniyi (Serrij, 65).

“Manchester Yunayted”: De Xea, Uan-Bissaka, Maguayr, Lindelyof, Diogu Dalot, Fred, Zabitser, Kazemiro, Brunu Fernandesh, Vegorst, Sancho, Antoni, Marsyal.

Ogohlantirishlar: Maguayr (3), Uilyams (67), Mangalya (83), Vegorst (90).