Futbol bo‘yicha Angliya Premyer Ligasining 1-turida “Manchester Yunayted” 16-avgust, juma kuni “Fulhem”ga qarshi bahs olib bordi.
Birinchi bo‘limning boshida “Fulhem” faolroq harakat qildi va bir nechta vaziyatlar yaratdi. Bo‘lim o‘rtasidan esa mankunianliklar raqib darvozasi tomon yaqinlasha boshladi. Biroq taym golsiz yakunlandi.
Ikkinchi bo‘limda ham bir qancha xavfli hujumlar uyushtirilsa-da, o‘yin oxirida hisob ochildi. 87-daqiqada “qizil iblislar”ning yangi futbolchisi Zirkze darvozani ishg‘ol qildi.
Shu tariqa Erik ten Hag shogirdlari 2024/25-yilgi mavsumni kichik hisobdagi g‘alaba bilan boshladi.
APL
1-tur bahsi
16-avgust, juma
“Manchester Yunayted” — “Fulhem” 1:0
Gol: 1:0 — Zirkze.
“Manchester Yunayted”: Onana, Diogu Dalot, Martines, Maguayr (Evans, 81), Mazraui (de Ligt, 81), Maynu (Maktominey, 84), Kazemiro, Maunt (Zirkze, 61), Reshford, Diallo (Garnacho, 61), Brunu Fernandesh.
“Fulhem”: Leno, Robinson, Bassi, Diop, Tete, Lukich, Pereyra, Ivobi, Smit-Rou (Kerni, 64), Traore (Uilson, 78), Rodrigo Muniz (Ximenes, 78).
Ogohlantirishlar: Maunt (18), Bassi (25), Maguayr (40), Pereyra (70), Kerni (73).
Izoh (0)