“Manchester Yunayted” 2028-yilga borib Angliya chempionligini qo‘lga kiritishni rejalashtirmoqda. Bu haqda Athletic nashri xabar berdi.
Manbaga ko‘ra, klub sport direktori Omar Berrada klub xodimlariga bu niyatlari haqida ma’lum qilgan. Ta’kidlanishicha, Berrada “qizil iblislar”ning Chempionlar Ligasi uchun kurashdagi ambitsiyalarini ham e’lon qilgan.
Eslatib o'tamiz, 2028-yilda “Manchester Yunayted”ning 150 yilligi nishonlanadi. Berrada aynan shu munosabat bilan “Loyiha 150” ishga tushirilganini ma’lum qildi. Klub 1878-yilda “Nyuton Xit” nomi bilan tashkil etilgan. Hozirgi nomga esa 1902-yilda almashtirilgan.
Joriy mavsumda Angliya Premyer Ligasining 5 turidan so‘ng mankunianliklar 7 ochko jamg‘arib, 11-o‘rinda bormoqda. “Manchester Yunayted” oxirgi marta 2013-yilda APLda g‘alaba qozongan edi.
Izoh (0)