Ijtimoiy tarmoqlarda Toshkentda temiryo‘lning belgilangan qismidan velosipedda kesib o‘tayotgan bolani poyezd urib ketgani haqida xabarlar tarqaldi. Mazkur holatni “O‘zbekiston temir yo‘llari” aksiyadorlik jamiyati axborot xizmati “Daryo”ga tasdiqladi.
Aytilishicha, 23-oktyabr kuni Toshkent mintaqasi temiryo‘lining Nurhayot—Salar bekatlari oralig‘ida poyezd 15 yoshli bolani urib ketgan. U Respublika shoshilinch tez tibbiy yordam ko‘rsatish markaziga yotqizilgan.
Unga bosh miya chayqalishi, aralash shikast, ko‘krak qafasi yopiq shikasti, o‘pka lat yeyishi, qorin yopiq jarohati tashxisi qo‘yilgan.
Qo‘shimcha qilinishicha, temiryo‘lni velosipedda kesib o‘tayotgan bola quloqchin taqib olgan bo‘lgan va poyezd signalini eshitmagan.
Izoh (0)