Mang‘istau–Nukus yo‘lovchi poyezdida yong‘in chiqqani sabab harakat bir soatga kech keldi. “O‘zbekiston temir yo‘llari” holatga izoh berdi.
Ma’lum qilinishicha, 19-sentyabr kuni Mang‘istau–Nukus yo‘lovchi poyezdi yo‘nalishida hodisa yuz berdi. Soat 14:47 da teplovozning “B” seksiyasining turbokompressoridan uchqun chiqa boshladi, bu esa vagonlararo tutashuvlarda maxsus rezina plastinalarning (sufle) yonishiga olib keldi.
Mashinist tomonidan teplovoz harakat tarkibidan soat 14:50 da uzilib yong‘in bartaraf qilingan va soat 15:30 harakatni davomi ettirgan. Yuqorida keltirib o‘tilgan holat bo‘yicha fuqarolarga va yo‘lovchi vagonlariga shikast yetmagan.
Yong‘in bartaraf qilinib, soat 15:30 da harakatni davom ettirgan. Yo‘lovchi poyezd Nukus stansiyasiga soat 16:23 kirib kelgan (1 soat 3 daqiqa jadvaldan kech kirib kelgan).
Hodisa natijasida mas’ul shaxslarga nisbatan intizomiy choralar ko‘rildi va qolgan lokomotivlar yong‘in xavfsizligi bo‘yicha takroriy tekshiruvlardan o‘tkazildi. Hozirda lokomotiv ta’mirlanib, foydalanishga tayyor.
Nukusdan Qozog‘istonning Mang‘istau viloyatiga mazkur poyezd qatnovi 22-avgustdan yo‘lga qo‘yilgan edi. Oraliq masofa salkam 21 soatni tashkil etadi.
Izoh (0)