Toshkent shahrida uch farzandning onasi bo‘lgan ayol poyezd urib ketishi oqibatida vafot etdi. Bu haqda “Millar”da xabar berildi.
Ma’lum qilinishicha, 23-avgust kuni soat 02:00 larda Salar—Nurhayot temiryo‘l bekatlari oralig‘ida poyezd urib ketgan holati aniqlangan. Voqea joyiga tez yordam va ichki ishlar xodimlari yetib kelgan, 1988-yilda tug‘ilgan ayol kishiga birinchi yordam ko‘rsatilib, shifoxonaga olib ketilgan.
Ayol shifoxonada jarrohlik amaliyotiga olingan. U bir necha kun davomida davolanishiga qaramay vafot etgan. Uning uch nafar farzandi bo‘lgan.
May oyining boshlarida Andijon viloyatida poyezd 8 yoshli qizaloqni urib yuborgani to‘g‘risida xabar berilgandi. Undan oldin esa Toshkent viloyatida 31 yoshli erkak poyezd urib ketishidan halok bo‘lgan edi.
Izoh (0)