Norvegiyaning Nordlend shahrida yo‘lovchi poyezdi relsdan chiqib ketdi. Dastlabki ma’lumotlarga ko‘ra, voqea oqibatida jarohatlanganlar bor.
Bu haqda TV2 telekanali ma’lum qildi. Voqea joyida politsiya va favqulodda xizmatlar xodimlari ishlamoqda.
Poyezdning relsdan chiqib ketishiga tog‘dan toshlarning tushishi sabab bo‘lgani aytilmoqda. Lokomotivdan tashqari poyezd tarkibida beshta yo‘lovchi vagoni bo‘lgan.
Ularda 50 dan 70 nafargacha odam bo‘lgan. “Hodisa joyiga uchta vertolyot jo‘natildi, biroq vaziyat noaniqligicha qolmoqda”, dedi temiryo‘l mutasaddisi. Ayni paytda yo‘lovchilar evakuatsiya qilinmoqda.
Avvalroq Toshkentning Yangihayot tumanida temiryo‘l xodimi poyezd bosib ketishi oqibatida halok bo‘lgani xabar qilingandi. Qayd etilishicha, temiryo‘lda konduktor lavozimida ishlovchi 1988-yilda tug‘ilgan erkak teplovozga yuk vagonlarini ulayotgan vaqtda ehtiyotsizligi oqibatida relsga yiqilib tushgan.
Izoh (0)