Joriy yilning 2-oktyabr kuni “Qorako‘l” podstansiyasida 2 nafar mutaxassis texnik nosozlik natijasida vafot etgan. Bu haqda “O‘zbekiston milliy elektr tarmoqlari” aksiyadorlik jamiyati matbuot xizmati “Daryo”ga ma’lum qildi.
Aytilishicha, jamiyatning “Buxoro magistral elektr tarmoqlari” filialiga qarashli 500 kV kuchlanishli “Qorako‘l” podstansiyasida 2 nafar mutaxassis o‘limiga sababchi bo‘lgan baxtsiz hodisa sodir bo‘lgan.
Sodir bo‘lgan baxtsiz hodisa to‘g‘risida shu kunning o‘zida tegishli organlarga xabar berilgan. Ayni paytda hodisa sabablari o‘rganilmoqda.
Qo‘shimcha qilinishicha, marhumlarning oilalariga barcha kompensatsiya to‘lovlari amalga oshirilishi ta’minlanadi.
Tok urish holatlari
Sentyabr oyi oxirida Farg‘onada poyezd ustida selfi tushmoqchi bo‘lgan ikki sinfdoshni tok urgan. Avgust oyida esa Qarshidagi basseynda 18 yoshli yigitni tok urdi. U shifoxonaga yetmay vafot etgan. May oyida Toshkent viloyatida radar o‘rnatayotgan 26 yoshli muhandis tok urishidan hayotdan ko‘z yumgan. Aprel oyida Toshkentda tok urishi oqibatida vafot etgan o‘quvchi o‘qigan maktab direktori va uning o‘rinbosari qamalgandi.
Izoh (0)