“Liverpul” hujumchisi Muhammad Saloh Angliya chempionatining 9-turidan o‘rin olgan Londonning “Arsenal” klubiga qarshi o‘yinda gol urdi.
Ushbu goldan so‘ng u “Liverpul”ning mashhur sobiq futbolchisi Robbi Fauler bilan tenglashib, liga tarixidagi eng yaxshi to‘purarlardan biri bo‘lib turibdi.
Misrlik futbolchi 162 marta raqiblar darvozasini ishg‘ol qilgan “Tottenhem”ning sobiq hujumchisi Jermeyn Defoni ortda qoldirdi.
Ma’lumot uchun, Premyer Liga tarixidagi eng yaxshi to‘purar Alan Shirer bo‘lib, uning hisobida 260 ta gol bor.
Ikkinchi o‘rinda 208 ta gol bilan Runi egallab turibdi. Kuchli uchlikni Endi Koul 187 ta gol bilan yakunlab bergan.
Joriy mavsumda Saloh barcha musobaqalarda 13 ta o‘yinda qatnashib, 8 ta gol va 7 ta golli uzatmani amalga oshirdi. Futbolchining klub bilan amaldagi mehnat shartnomasi 2025-yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.
Izoh (0)