“Liverpul” hujumchisi Muhammad Saloh kecha, 20-oktyabr kuni “Chelsi” bilan APL doirasida bo‘lib o‘tgan uchrashuvda (2:1) gol va golli uzatmaga mualliflik qildi.
32 yoshli misrlik futbolchi o‘yinning 29-daqiqasida penaltini aniq amalga oshirib, hisobni ochdi. 51-daqiqada hujumchi yakuniy hisobni o‘rnatgan Kertis Jonsning goliga hammualliflik qildi. Bu esa unga “Manchester Siti”ning sobiq hujumchisi Serxio Aguerodan o‘tib ketish imkonini berdi.
Hozirda futbolchi APLda “Liverpul” safida 232 ta samarali harakat qilgan — 160 ta gol va 72 ta golli uzatma. Saloh bitta klub tarkibida Angliya chempionatida gol+pas tizimidan eng ko‘p ochko to‘plagan futbolchilar ro‘yxatida oltinchi o‘rinni egalladi. Aguero hisobida 231 ochko bor.
Salohning navbatdagi maqsadi Frenk Lempard. “Chelsi”ning sobiq sardori 237 ochko to‘plashgan erishgan. Ushbu ro‘yxatda Ueyn Runi 276 ochko bilan birinchi o‘rinda.
Joriy mavsumda misrlik futbolchi Premyer Liganing sakkizta uchrashuvida beshta gol urdi va shuncha bor golli uzatmani amalga oshirdi.
Izoh (0)