Suriyadagi terrorchilar safiga qo‘shilgan yana bir o‘zbekistonlik qidiruvga berildi

Toshkent shahar IIBB Suriyadagi terrorchilar safiga qo‘shilgan yana bir erkak qidiruvga berilganini e’lon qildi.

U 1978-yilda Toshkent shahrida tug‘ilgan Aziz Toshkentboyev bo‘lib, laqabi “Iso chavandoz”. Aziz Toshkentboyev 2012-yilda ishlash uchun Turkiyaga ketgan. Oqibatda 9 yillik oilaviy hayotidan so‘ng, ayoli bilan ajrashgan.

Bu vaqtga kelib xalqaro terroristik tashkilotlar vakillari Sodiq Samarqandiy, Abu Saloh, Abdulloh Zufar va boshqalarning ekstremistik g‘oyalari ta’siriga tushib bo‘lgan edi. 2014-yilda u diniy aqidaparastlik g‘oyalari ta’sirida Suriyaga o‘tib, terrorchi guruhlar safida janglarda ishtirok etadi.

Hozirda Aziz Toshkentboyevga nisbatan poytaxt IIBB tomonidan rasmiy qidiruv e’lon qilingan.

Suriyada terrorchi guruhlarga qo‘shilgan yana bir qator o‘zbekistonliklar, xususan, Abduvahob Abdurahimov, Jaloliddin Mansurov,  Mirolim O‘lmasov, Erkin Qodirov ham qidiruvga berilgan.