“Liverpul”ning 32 yoshli misrlik hujumchisi Muhammad Saloh 2024/2025-yilgi mavsum yakunida, shartnoma muddati tugashi bilan mersisaydliklar safini tark etishi mumkin. Bu haqda Liverpool Echo xabar bermoqda.
Manbaga ko‘ra, “Nyukasl”ning 23 yoshli vingeri Entoni Gordon “Liverpul”da misrlik futbolchining o‘rnini bosishi mumkin.
Avvalroq OAVda futbolchi faoliyatini Saudiya Arabistonida davom ettirishi mumkinligi haqida ma’lumotlar paydo bo‘lgandi.
Muhammad Saloh 2017-yilning yozida ingliz klubiga o‘tgan edi. Bu davrda u barcha turnirlarda 350 ta uchrashuvda qatnashib, 212 ta gol va 90 ta golli uzatmani amalga oshirgan.
APLning birinchi turida “Ipsvich”ga qarshi o‘ynagan Muhammad Saloh bitta gol va bir golli uzatmani amalga oshirib, jamoasi g‘alabasiga hissa qo‘shdi.
Transfermarkt portalida berilgan ma’lumotlarga ko'ra, futbolchining bozor qiymati 55 million yevroni tashkil qiladi.
Izoh (0)