APL. “Liverpul” “Aston Villa”ga qarshi bahsning so‘nggi daqiqalarda 2 ta gol o‘tkazib yuborib, g‘alabani qo‘ldan chiqardi (video)

Futbol bo‘yicha Angliya Premyer Ligasining 37-turida “Liverpul” 13-may, dushanba kuni “Aston Villa”ga qarshi bahs olib bordi.

Uchrashuvning 2-daqiqasidayoq Martines o‘z darvozasiga gol urib, mersisaydliklarning hisobda oldinga chiqishiga sababchi bo‘ldi. 12-daqiqada Yuri Tilemans hisobni tenglashtirdi. 23-daqiqada Kodi Gakpo “qizillar”ning ikkinchi goliga mualliflik qildi. Bo‘lim “Liverpul”ning ustunligi bilan yakunlandi.

Ikkinchi bo‘lim boshida Kuansa hisobni ishonchli ko‘rinishga olib keldi. 85-daqiqada Duran hisobni qisqartirdi. Oradan 3 daqiqa o‘tib, Duran yana bir bor gol urib, muvozanatni tiklashga muvaffaq bo‘ldi.

Uchrashuv 3:3 hisobida yakunlandi.

Mersisaydliklar ochkolarini 79 taga yetkazib, 3-o‘rinda bormoqda. “Aston Villa” esa 68 ochko bilan bitta pastdagi o‘rinni egallagan.

APL

37-tur bahsi

13-may, dushanba

“Aston Villa” — “Liverpul” 3:3

Gollar: 0:1 – 2 Martines (avtogol), 1:1 – 12 Tilemans, 1:2 – 23 Gakpo, 1:3 – 48 Kuansa, 2:3 – 85 Duran, 3:3 – 88 Duran.

“Aston Villa”: Martines, Konsa, Diego Karlos, Pau Torres, Din, Makginn, Tilemans (Zaniolo, 65; Duran, 79), Beyli, Duglas Luis (Chembers, 80), Diabi, Uotkins.

“Liverpul”: Alisson, Aleksander-Arnold, van Deyk, Kuansa, Gomes, Endo (Soboslai, 76), Mak Allister, Elliott (Gravenberh, 75), Saloh, Dias (Jons, 76), Gakpo (Nunyes, 75).

Ogohlantirishlar: Elliott (38), Makginn (70).