APL. “Liverpul” mehmonda “Vest Hem” bilan durang o‘ynab, chempionlik uchun imkoniyatlarini pasaytirib yubordi

Futbol bo‘yicha Angliya Premyer Ligasining 35-turida “Liverpul” 27-aprel, shanba kuni “Vest Hem”ga qarshi bahs olib bordi.

Londondagi uchrashuvda Bouen hisobni ochgan bo‘lsa, Robertson hisobni tenglashtirdi. Areolyaning avtogolidan keyin mehmonlar hisobda oldinga chiqib oldi. 77-daqiqada Antonio mezbonlarga durang natijani keltirgan gol muallifi bo‘ldi – 2:2.

Ushbu natija sabab Klopp shogirdlari ketma-ket ikkinchi o‘yinda ham ochko yo‘qotib, chempionlik uchun kurashdan deyarli chiqdi. “Liverpul” hisobida 35 o‘yinda 75 ochko bor va klub 3-o‘rinda bormoqda. “Arsenal” 34 o‘yindan keyin 77 ochko bilan peshqadamlikni saqlab turibdi. 33 o‘yinda 76 ochko to‘plagan “Manchester Siti” 2-o‘rinda bormoqda. 

APL

35-tur bahsi.

27-aprel, shanba.

“Vest Hem” – “Liverpul” 2:2

Gollar: 1:0 – Bouen (43), 1:1 – Robertson (48), 1:2 – Areolya (65, avtogol), 2:2 – Antonio (77).

“Vest Hem”: Areolya, Soufal, Ogbonna, Zuma, Emerson, Souchek (Uord-Prouz, 74), Lukas Paketa, Alvares, Quddus, Bouen, Antonio.

“Liverpul”: Alisson, Aleksander-Arnold (Gomes, 79), van Deyk, Kuansa, Robertson, Endo (Nunes, 79), Mak Allister, Gravenberx, Elliott, Dias (Saloh, 79), Gakpo.

Ogohlantirishlar: Endo (30).