APL. “Manchester Yunayted” va “Liverpul” bahsida jangovar durang qayd etildi

Futbol bo‘yicha Angliya Premyer Ligasining 32-turida “Manchester Yunayted” va “Liverpul” jamoalari 7-aprel, yakshanba kuni o‘zaro to‘qnash keldi.

Uchrashuvning 23-daqiqasida Luis Dias mersisaydliklarni hisobda oldinga olib chiqdi. Birinchi bo‘lim shu hisob bilan yakunlandi. 

Ikkinchi bo‘lim boshida Brunu Fernandesh muvozanatni tikladi. 67-daqiqada Mayno mankunianliklarning ikkinchi goliga mualliflik qildi. 84-daqiqada esa Muhammad Saloh penaltidan unumli foydalanib, hisobni tenglashtirdi. 

Uchrashuv 2:2 hisobi bilan yakunlandi. 

Ushbu durang natijadan so‘ng “Liverpul” ochkolari soni 71 taga yetib, 2-o‘ringa tushdi. “Manchester Yunayted” esa 49 ochko bilan 6-pog‘onani band etgan.

APL

32-tur bahsi

7-aprel, yakshanba

“Manchester Yunayted” –“Liverpul” 2:2

Gollar: 0:1 – 23 Dias, 1:1 – 50 Brunu Fernandesh, 2:1 – 67 Maynu, 2:2 – 84 Saloh (penalti).

“Manchester Yunayted”: Onana, Diogu Dalot, Maguayr, Kambvala, Uan-Bissaka, Kazemiro, Brunu Fernandesh, Maynu (Maunt, 84), Garnacho (Amrabat, 79), Reshford (Antoni, 66), Heylund.

“Liverpul”: Kelleher, Bredli (Gomes, 66), van Deyk, Kuansa, Robertson, Endo (Elliott, 69), Soboslai (Jons, 66), Mak Allister, Saloh, Dias, Nunyes (Gakpo, 68).

Ogohlantirishlar: Bredli (7), Kambvala (74), Onana (80), Jons (89), Maunt (90+3), Antoni (90+4), Kazemiro (90+7).