“Liverpul” hujumchisi Muhammad Saloh APL doirasida “Old Trafford”da “Manchester Yunayted”ga 6 bor gol urdi.
Opta xabariga ko‘ra, misrlik ushbu natijaga erishgan turnir tarixidagi birinchi futbolchi bo‘ldi. U APLda Manchester stadionida beshta gol urgan mersisaydliklarning sobiq sardori Stiven Jerrardni ortda qoldirdi.
Avvalroq Saudiya Arabistoni klublari “Liverpul” hujumchisi Salohni sotib olishga qiziqish bildirayotgani haqida xabar berilgandi.
Joriy mavsumda Muhammad Saloh inglizlar jamoasi safida barcha turnirlarda 35 ta o‘yin o‘tkazib, 23 ta gol va 13 ta golli uzatmani amalga oshirdi. Transfermarkt internet portali ma’lumotlariga ko‘ra, 31 yoshli futbolchining bozor qiymati 65 million yevroni tashkil qiladi.
7-aprel, yakshanba kuni APLning navbatdagi turi doirasida “Liverpul” safarda “Manchester Yunayted” bilan durang o‘ynadi va Saloh gollardan biriga mualliflik qildi.
Izoh (0)