Isroil armiyasi G‘azo sektori janubidagi janglarda pauza e’lon qildi

Isroil Mudofaa Kuchlari gumanitar maqsadlarda G'azo sektorining janubida har kuni soat 08:00 dan 19:00 gacha jangovar operatsiyalarda taktik pauza qilishini aytdi. 

Bu haqda Isroil harbiylari bayonotida aytiladi.

"Isroil mudofaa kuchlari va Isroil hukumatining Falastin hududlaridagi faoliyatini G'azo sektoriga muvofiqlashtirish boshqarmasi tomonidan yuborilayotgan insonparvarlik yordami hajmini oshirish bo'yicha davom etayotgan sa'y-harakatlar doirasida hamda BMT va xalqaro tashkilotlar bilan qo'shimcha muhokamalar natijasida bu pauza joriy etildi. Har kuni soat 08:00 dan 19:00 gacha insonparvarlik maqsadlarida keyingi ogohlantirishgacha jangovar harakatlar to‘xtatib turiladi”, — deyiladi xabarda.

Qayd etilishicha, pauza "Kerem Shalom" nazorat-o‘tkazish punktidan Saloh ad-Din avtomagistraligacha va undan shimoliy yo‘nalishda amal qiladi.