Rossiya prezidenti Vladimir Putin 11-oktyabr kuni Maxtumquli Firog‘iy tavalludining 300 yilligiga bag‘ishlangan xalqaro forumda ishtirok etish uchun Ashxobodga keldi. Ukraina tashqi ishlar vaziri bunga keskin munosabat bildirdi.
Ukraina Turkmaniston rahbariyati Putin harbiy jinoyatchi ekanligini anglab yetishiga umid qilmoqda, unga Ukraina bolalarini Rossiyaga noqonuniy ravishda olib o‘tgani uchun XJS tomonidan hibsga olishga order berilgan. Bu Kreml rahbarlarining bir qator jinoyatlaridan biri, xolos.
Putin va uning sheriklari Ukrainaga qarshi tajovuz, harbiy jinoyatlar, insoniyatga qarshi jinoyatlar, genotsid, qotillik, qiynoqlar, zo‘rlash, talonchilik, fuqarolik infratuzilmasini o‘qqa tutish va boshqa vahshiylik uchun javob beradi. Ularning barchasi o‘z jinoyatlari uchun odil sudlovga tortilishi kerak.
Inson hayoti, xalqaro huquqni va BMT Nizomini qadrlaydigan barcha mamlakatlarni Ikkinchi jahon urushidan beri kuzatilmagan miqyosda Yevropada urush boshlagan va qo‘llari tirsagigacha qonga belangan Putinning ishtirokida umumiy tadbirlar o‘tkazishdan tiyilishga chaqiramiz, deyiladi TIV bayonotida.
Xalqaro jinoiy sudi (XJS) 2023-yil mart oyida Ukrainaning bosib olingan hududlaridan aholini bolalarni Rossiyaga noqonuniy deportatsiya qilishda gumon qilib, Putinni hibsga olish uchun order bergandi.
Turkmaniston sudning asosiy hujjati — Xalqaro jinoyat sudining yurisdiksiyasini tan olishni anglatuvchi Rim statutini imzolamagan. Markaziy Osiyo davlatlaridan uni faqat Tojikiston tan oladi. Ishtirokchi mamlakatlar sud qarorlarini bajarish majburiyatini oladi, biroq sudning majburiyatlarni bajarishga majburlash vositalari mavjud emas.
Moskva Putinni hibsga olish to‘g‘risidagi orderni “yuridik jihatdan ahamiyatsiz qaror” deb atadi, 2016-yilda Rossiya XJS yurisdiksiyasidan chiqqan. Kreml sud qarori prezidentning xalqaro aloqalariga xalaqit bermasligini bildirgan.
Izoh (0)