Kilian Mbappe 2022-yilda “Liverpul” bilan kelishuvga erishgan

Kilian Mbappe “PSJ”dan “Liverpul”ga o‘tishi mumkin bo‘lgan.

2022-yilning yozida erkin agent sifatida “Real”ga o‘tishni rad etgan futbolchi “PSJ” bilan 2+1 ko‘rinishida shartnoma imzolagandi. Biroq, mavsumlar oralig‘ida Kilian klubini almashtirmoqchi bo‘lgan.

Chunki parijliklar unga bergan va’dalarining ustidan chiqmagan.

Shundan so‘ng Kilian “Liverpul” bilan qisqa muddatlik shartnoma bo‘yicha kelishib olgan va undan so‘ng “Real”ga o‘tmoqchi bo‘lgan. Gap 200 millionlik transfer haqida ketayotgan vaqtda “PSJ” direktori Anteru Enrike futbolchi uchun ikki baravar qimmat narx aytgan. Shu tariqa ushbu transfer amalga oshmagan.

2024-yilda esa Mbappe baribir “Real”ga o‘tdi. Bu safar parijliklar bilan shartnomasi oxiriga yetgach. Fransuz yangi jamoasida 5 ta o‘yinda 3 ta golga mualliflik qildi.